ພາບລວມ
ທະນາຄານພາບລິກ ລາວ ຈຳກັດ (Public Bank Lao) ເປັນສາຂາຂອງ ທະນາຄານພາບລິກ ເບີຮາດ. ທະນາຄານພາບລິກ ລາວ ໄດ້ຮັບການສ້າງຕັ້ງຂຶ້ນພາຍຫຼັງໄດ້ຮັບອະນຸມັດຈາກ ທະນາຄານແຫ່ງ ສປປ ລາວ (ທຫລ) ເພື່ອປັບປຸງ ແລະ ຍົກລະດັບການດຳເນີນງານຂອງ ທະນາຄານພາບລິກ ລາວ ສາຂາຕ່າງປະເທດ ມາເປັນທະນາຄານທ້ອງຖີ່ນໃນລາວ.
ສຳລັບຂໍ້ມູນ, ທະນາຄານພາບລິກ ເບີຮາດ (PBB) ແມ່ນກຸ່ມທະນາຄານຍັກໃຫຍ່ ຈາກປະເທດມາເລເຊຍ ທີ່ບໍ່ຂຶ້ນກັບລັດຖະບານ. ທະນາຄານພາບລິກ ເບີຮາດ ເປັນທະນາຄານທຳອິດທີ່ມາເປີດສາຂາຕ່າງປະເທດ ຢູ່ໃນ ສປປ ລາວ ໃນວັນທີ 18 ທັນວາ 1995. ດ້ວຍປະສົບການ 28 ປີ, ທະນາຄານພາບລິກ ມີ 4 ສາຂາ ໃນ ສປປ ລາວ, 2 ສາຂາ ໃນນະຄອນຫຼວງວຽງຈັນ, 1 ສາຂາ ໃນສະຫວັນນະເຂດ ແລະ 1 ສາຂາ ໃນປາເຊ.
ໃບອະນຸຍາດດຳເນີນທຸລະກິດການທະນາຄານ ສະບັບ ເລກທີ 33/ທຫລ, ອອກໂດຍ ທະນາຄານແຫ່ງ ສປປ ລາວ (ທຫລ) ລົງວັນທີ 21 ພະຈິກ 2023. ທະນາຄານພາບລິກ ລາວ ໄດ້ດຳເນີນກິດຈະການ ຢ່າງເປັນທາງການນັບແຕ່ 01 ມັງກອນ 2024 ເປັນຕົ້ນໄປ ໂດຍເວລາເປີດໃຫ້ບໍລິການ ແມ່ນບໍ່ມີການປ່ຽນແປງ ແລະ ຄົງໄວ້ຄືເກົ່າ ດັ່ງນີ້: ວັນຈັນ - ວັນສຸກ ເວລາ 8:45 ເຊົ້າ ຫາ 4:15 ແລງ.
ທະນາຄານພາບລິກ ລາວ ມີສຳນັກງານໃຫຍ່ຢູ່ ນະຄອນຫຼວງວຽງຈັນ ແລະ ຍັງມີອີກ 4 ສາຂາໃນຕົວເມືອງດັ່ງທີ່ໄດ້ກ່າວມາຂ້າງເທິງ.
ບໍ່ມີການປ່ຽນແປງທີ່ຢູ່ ແລະ ເບີໂທລະສັບຕິດຕໍ່ຂອງ ສຳນັກງານໃຫຍ່ ແລະ ສາຂາຂອງທະນາຄານ. ສຳຫຼັບຂໍ້ມຸນລາຍລະອຽດກ່ຽວກັບສະຖານທີ່ ແລະ ເບີໂທຕິດຕໍ່ ຂອງທະນາຄານພວກເຮົາ, ກະລຸນາເຂົ້າໄປທີ່ເວັບໄຊ໌ທາງການຂອງທະນາຄານພວກເຮົາໄດ້ທີ່: www.publicbank.com.la
