ທະນາຄານພາບລິກ ເບີຮາດ ເປັນທະນາຄານທຳອິດ ທີ່ເຂົ້າມາເປີດສາຂາຕ່າງປະເທດຢູ່ໃນ ສປປ ລາວ ເມື່ອວັນທີ 18 ທັນວາ 1995. ດ້ວຍປະສົບການຫຼາຍກ່ວາ 30 ປີ ທີ່ໄດ້ດຳເນີນທຸລະກິດການທະນາຄານໃນ ສປປ ລາວ, ທະນາຄານພາບລິກ ມີ 4 ສາຂາ ເຊັ່ນມີ 2 ສາຂາ ໃນນະຄອນຫຼວງວຽງຈັນ, 1 ສາຂາ ໃນຕົວເມືອງສະຫວັນນະເຂດ ແລະ ອີກ 1 ສາຂາ ໃນຕົວເມືອງປາກເຊ.
ໃນເດືອນ ມັງກອນ ປີ 2024, ທະນາຄານພາບລິກ ລາວ ຈຳກັດ ພາຍຫຼັງໄດ້ຮັບການອະນຸມັດຈາກ ທະນາຄານແຫ່ງ ສປປ ລາວ ເພື່ອປັບປຸງ ແລະ ຍົກລະດັບການດຳເນີນງານຂອງ ທະນາຄານພາບລິກ ເບີຮາດ ສາຂາຕ່າງປະເທດ ມາເປັນທະນາຄານທ້ອງຖິ່ນ.
ທະນາຄານພາບລິກ ລາວ ຈຳກັດ ມີສຳນັກງານໃຫຍ່ຕັ້ງຢູ່ນະຄອນຫຼວງວຽງຈັນ ແລະ ຍັງມີອີກ 4 ສາຂາໃນຕົວເມືອງ ດັ່ງທີ່ໄດ້ກ່າວໄວ້ຂ້າງເທິງ.
ທະນາຄານພາບລິກ ລາວ ຈຳກັດ (PBLL) ເປັນທະນາຄານໃນເຄືອຂອງ ທະນາຄານພາບລິກ ເບີຮາດ ເຊິ່ງເປັນກຸ່ມທະນາຄານທີ່ເຊື່ອມໂຍງກັບອົງກອນເອກະຊົນທີ່ໃຫຍ່ທີ່ສຸດໃນປະເທດມາເລເຊຍ. ກຸ່ມທະນາຄານພາບລິກ ໃຫ້ບໍລິການດ້ານການທະນາຄານ ແລະ ການເງິນທີ່ຫຼາກຫຼາຍ.
ກຸ່ມທະນາຄານພາບລິກ ໄດ້ເປີດກວ້າງການບໍລິການ ດ້ານການທະນາຄານຂອງຕົນໃຫ້ກວມເອົາຜະລິດຕະພັນທາງການເງິນ ທີ່ຫຼາກຫຼາຍ, ລວມທັງການທະນາຄານສ່ວນບຸກຄົນ ແລະ ການຄ້າ, ທະນາຄານ ອິດສະລາມ, ທະນາຄານເພື່ອການລົງທຶນ, ນາຍໜ້າຊື້ຂາຍຫຼັກຊັບ, ບໍລິການຜູ້ດູແລຜົນປະໂຫຍດ ແລະ ຕົວແທນ, ການຄຸ້ມຄອງກອງທຶນ, ລວມເຖິງ ບໍລິການປະກັນໄພຜ່ານທະນາຄານ ແລະ ປະກັນໄພທົ່ວໄປ. ເພື່ອຄວາມກ້າວໜ້າທາງດ້ານເຕັກໂນໂລຊີ ກຸ່ມທະນາຄານມີຄວາມມຸ່ງໝັ້ນ ທີ່ຈະເສີມຂະຫຍາຍການບໍລິການໃຫ້ແກ່ລູກຄ້າ ໂດຍໃຫ້ສອດຄ່ອງກັບຄວາມຕ້ອງການທາງດ້ານດິຈິຕອນທີ່ກຳລັງພັດທະນາ.
ດ້ວຍຄວາມມຸ່ງໝັ້ນໃນການບໍລິການທີ່ດີເລີດ, ທະນາຄານພາບລິກ ເຂົ້າເຖິງກຸ່ມລູກຄ້າຂອງຕົນ ໂດຍຜ່ານເຄືອຂ່າຍສາຂາຈຳນວນ 314 ແຫ່ງໃນທົົ່ວປະເທດມາເລເຊຍ, ນອກເໜືອຈາກການດຳເນີນທຸລະກິດພາຍໃນປະເທດທີ່ເຂັ້ມແຂງແລ້ວ ກຸ່ມບໍລິສັດຍັງມີເຄືອຂ່າຍສາຂາຢ່າງກວ້າງຂວາງໃນເຂດພາກພື້ນ ໂດຍມີ 79 ສາຂາໃນຮົງກົງ ແລະ ຈີນ, 32 ສາຂາໃນປະເທດກຳປູເຈຍ, 40 ສາຂາໃນປະເທດຫວຽດນາມ, 4 ສາຂາໃນປະເທດລາວ ແລະ 3 ສາຂາໃນປະເທດສີລັງກາ.
