ບໍລິການທີ່ນຳໃຊ້ໄດ້

ບັນຊີ

1. ກວດສອບຍອດເຫຼືອບັນຊີ ແລະ ທຸລະກຳສາມາດກວດເບິ່ງຍອດເງິນໃນບັນຊີ ແລະ ກວດເບິ່ງທຸລະກຳຂອງທ່ານໄດ້ທຸກທີ່, ທຸກເວລາ.
    ກົດໃສ່ບ່ອນນີ້.
2. ບັນຊີຝາກປະຈຳ
   ເພີດເພີນໄປກັບອັດຕາເງິນຝາກທີ່ໜ້າພໍໃຈ, ງ່າຍໃນການຕໍ່ອາຍຸຂອງເງິນຝາກ ແລະ ການຕິດຕາມທີ່ລຽບງ່າຍ - ທັງໝົດນີ້ຢູ່ພຽງປາຍນິ້ວມືຂອງທ່ານ! ໃນຟັງຊັ່ນບັນຊີຝາກປະຈຳນີ້, ທ່ານສາມາດ:
   • ກວດ​ເບິ່ງ​ຍອດ​ເງິນ​​ຂອງ​ທຸກ​ບັນ​ຊີ​ເງິນ​ຝາ​ກ​ປະ​ຈຳ​ຂອງ​ທ່ານ
   • ຝາກ​ເງິນ (ເປີດ​ບັນ​ຊີ​ເງິນຝາກ​ປະ​ຈຳ​ອອນ​ລາຍ)
   • ຖອນ​ເງິນ (ຖອນ​ບັນ​ຊີ​ເງິນຝາກ​ປະ​ຈຳ​ອອນ​ລາຍ)
   • ດາວ​ໂຫຼດໃບ​ແຈ້ງ​ຝາກ​ເງິນ/ໃບ​ຕໍ່​ອາ​ຍຸສັນ​ຍາ​ເງິນ​ຝາກ ໄດ້ຢ່າງ​ງ່າຍ​ດາຍ
   ຂ້ອຍ​ຈະ​ເຮັດ​ລາຍ​ການ​ເປີດ​ບັນ​ຊີ​ເງິນ​ຝາກ​ປະ​ຈຳ​ອອນ​ລາຍໄດ້​ແນວ​ໃດ?
   ກະ​ລຸ​ນາ​ປະ​ຕິ​ບັດ​ຕາ​ມ​ຄຳ​ແນະ​ນຳ​ໃນ​ຂັ້ນ​ຕອນ​ດັ່ງ​ລຸ່ມນີ້:
   1. ຄິກ​ໃສ່ບັນ​ຊີ
   2. ຄິກ​ໃສ່ບັນ​ຊີ​ຝາກ​ປະ​ຈຳ
   3. ຄິກ​ໃສ່ຝາກ​ເງິນ
   4. ​ເລືອກ​ບັນ​ຊີ​​ (ກີບ/ໂດ​ລາ/ບາດ) ​ແລະ ຄິກໃສ່ປຸ່ມ​ຕໍ່​ໄປ
   5. ເລືອກ​ໄລ​ຍະ​ເງິນ​ຝາກ
   6. ​ໃສ່​ຈຳ​ນວນ​ເງິນ​ຝາກ​ ແລະ ຄິກ​ໃສ່​ປຸ່ມ​ຕໍ່​ໄປ
   7. ກວດ​ເບິ່ງ​ຄ​ວາມ​ຖືກ​ຕ້ອງ​ຂອງ​ຂໍ້​ມູນ ແລະ ຄິກ​ໃສ່​ປຸ່ມ​ຕໍ່​ໄປ​ອີກ​ຄັ້ງ​ໜຶ່ງ​ເພື່ອສຳ​ເລັດ​ທຸ​ລະ​ກຳ.

   ຂ້ອຍ​ຈະ​ເຮັດ​ລາຍ​ການ​ຖອນ​ເງິນ​ຈາກ​ບັນ​ຊີ​ເງິນ​ຝາກ​ປະ​ຈຳ​​ອອນ​ລາຍໄດ້​ແນວ​ໃດ?
   ກະ​ລຸ​ນາ​ປະ​ຕິ​ບັດ​ຕາ​ມ​ຄຳ​ແນະ​ນຳ​ໃນ​ຂັ້ນ​ຕອນ​ດັ່ງ​ລຸ່ມນີ້:

   1. ຄິກ​ໃສ່ບັນ​ຊີ
   2. ຄິກ​ໃສ່ບັນ​ຊີ​ຝາກ​ປະ​ຈຳ
   3. ຄິກ​ໃສ່ຖອນເງິນ
   4. ​ເລືອກ​ສະ​ກຸນ​ເງິນ ​ແລະ ຄິກໃສ່ປຸ່ມ​ຕໍ່​ໄປ
   5. ຄິກ​​ໃສ່ເລ​ກ​ບັນ​ຊີ​ເງິນ​ຝາກທີ່​ຕ້ອງ​ການ​ຖອນ​ ແລະ ຄິກ​ໃສ່​ປຸ່ມ​ຕໍ່​ໄປ
   6. ຄິກໃສ່ປຸ່ມ “ຂໍ PAC ເລີຍ”
   7. ໃສ່ລະຫັດ PAC
   8. ກວດ​ເບິ່ງ​ຄ​ວາມ​ຖືກ​ຕ້ອງ​ແລ້ວຄິກ​ໃສ່​ປຸ່ມ​ຢືນ​ຢັນ.
3. ຜະລິດຕະພັນບັດ
   ໃນຄຳສັ່ງນີ້ທ່ານຈະສາມາດ:
• ເຂົ້າກວດເບິ່ງຍອດເງິນ ແລະ ລາຍການນຳໃຊ້ບັດວີຊ່າ
• ເພີ່ມບັດ
• ຍົກເລີກ/ແຈ້ງບັດເສຍ
4. ໃບ​ແຈ້ງ​ລາຍ​ການ​ເຄື່ອນ​ໄຫວ​ບັນ​ຊີ E-Statement
   ສາມາດດາວໂຫຼດໃບແຈ້ງລາຍການເຄື່ອນໄຫວບັນຊີຂອງທ່ານທາງອອນລາຍ. ເຊິ່ງມີຄວາມປອດໄພກວ່າ, ບໍ່ໄດ້ເສຍຄ່າທຳນຽມ ແລະ ເປັນວິທີການທີ່ປະຢັດຊັບພະຍາກອນທີ່ດີທີ່ສຸດອີກດ້ວຍ.
5. ການ​ຄຸ້ມ​ຄອງບໍ​ລິ​ຫານ​ແຊັກ
   ຈັດ​ການ​ຂໍ້​ມູນ​ແຊັກ​ຢ່າງ​ມີ​ປະ​ສິດ​ທິ​ພາບ ແລະ ຮັບ​ປະ​ກັນ​ການ​ບັນ​ທຶກການ​ຈ່າຍ​ເງິນ​ຜ່ານ​ແຊັກ​ຂອງ​ທ່ານ​ຢ່າງ​ຖືກ​ຕ້ອງ.
   ຂ້ອຍ​ສາ​ມາດ​ເຮັດ​ຫຍັງໄດ້​ແດ່ ໃນຟັງ​ຊັ່ນ​ທີ່​ກ່ຽວ​ຂ້ອງ​ກັບແຊັກ?

• ຂໍ​ປຶ້ມ​ແຊັກ
• ຂໍ​ລະ​ງັບ​ແຊັກ
• ກວດ​ສອບ​ສະ​ຖາ​ນະ​ແຊັກ

ການໂອນເງິນ

1. "ໂອນຫາບັນຊີຕົນເອງ" ແມ່ນຫຍັງ?
   “ໂອນຫາບັນຊີຕົນເອງ” ໝາຍເຖິງການໂອນເງິນໄປຫາບັນຊີສ່ວນຕົວຂອງທ່ານ ທີ່ໄດ້ເຊື່ອມຕໍ່ເຂົ້າກັບຂໍ້ມູນ PBe ຂອງທ່ານ.
2. "ໂອນຫາບັນຊີບຸກຄົນອື່ນ" ແມ່ນຫຍັງ?
   "ໂອນຫາບັນຊີບຸກຄົນອື່ນ" ໝາຍເຖິງການໂອນເງິນໄປຫາບັນຊີຂອງບຸກຄົນອື່ນ, ບັນຊີພາຍໃນທະນາຄານພາບລິກ.
3. "ບັນຊີໂອນປະຈຳ" ແມ່ນຫຍັງ ແລະ ມັນຕ່າງຈາກ "ໂອນຫາບັນຊີບຸກຄົນອື່ນ" ແນວໃດ?
   ຄຸນລັກສະນະຂອງ "ບັນຊີໂອນປະຈຳ" ແມ່ນລະບົບຈະອະນຸຍາດໃຫ້ທ່ານເກັບຮັກສາບັນຊີທີ່ທ່ານໂອນຫາເປັນປະຈຳໄດ້ ເຊິ່ງທ່ານສາມາດຕັ້ງຊື່ໃໝ່ໃຫ້ບັນຊີເຫຼົ່ານີ້ໄດ້ຕາມຄວາມມັກຂອງທ່ານ ແລ້ວລະບົບຈະບັນທຶກຂໍ້ມູນນີ້ ໄວ້, ເລກບັນຊີລວມທັງຊື່ໃໝ່ຈະຖືກບັນທຶກໄວ້ໃນປະຫວັດຂໍ້ມູນຂອງທ່ານ.
4. ວົງເງິນໃນການໂອນຕໍ່ວັນເທົ່າໃດ?

   ການໂອນເງິນ	ສຳລັບບຸກຄົນ (ບຸກຄົນ/ຮ່ວມ/ເຈົ້າຂອງຜູ້ດຽວ)	PBe ສຳລັບນິຕິບຸກຄົນ
   ໂອນຫາບັນຊີຕົນເອງ (ສະກຸນເງິນດຽວກັນ)	80,000,000 ກີບ/10,000 ໂດລາ/350,000ບາດ	80,000,000 ກີບ/10,000 ໂດລາ/350,000ບາດ (ພ້ອມໃສ່​ລະ​ຫັດ SecureSign)
   ໂອນຫາບັນຊີບຸກຄົນທີ່ສາມ (ສະກຸນເງິນດຽວກັນ)	8,000,000 ກີບ/1,000 ໂດລາ/35,000ບາດ (ພ້ອມໃສ່​ລະ​ຫັດ PAC)	24,000,000 ກີບ/3,000 ໂດລາ/105,000ບາດ (ພ້ອມໃສ່​ລະ​ຫັດ SecureSign)

   ໝາຍເຫດ:
   ວົງເງິນໃນການໂອນສາມາດປ່ຽນແປງ (ຫຼຸດວົງເງິນເທົ່ານັ້ນ) ທາງອອນລາຍໄດ້ທີ່ ການດັດແກ້ປ່ຽນແປງຂໍ້ມູນ/ປ່ຽນວົງເງິນການໂອນຕໍ່ວັນ. # ວົງເງິນການໂອນຕໍ່ວັນສາມາດເພີ່ມໄດ້ສູງສຸດ 8,000,000 ກີບ/1,000 ໂດລາ/35,000ບາດ ສໍາລັບບຸກຄົນ ແລະ 24,000,000 ກີບ/3,000 ໂດລາ/105,000ບາດ ສໍາລັບນິຕິບຸກຄົນ ທີ່ທຸກສາຂາທະນາຄານພາບລິກ ລາວ.
5. ຂ້ອຍຕ້ອງເຮັດແນວໃດໃນການໂອນເງິນຫາບັນຊີບຸກຄົນອື່ນພາຍໃນ ທະນາຄານພາບລິກ ລາວ ຈຳກັດ?
   ກະລຸນາປະຕິບັດຕາມຂັ້ນຕອນດັ່ງລຸ່ມນີ້:
   1. ກົດໃສ່ການໂອນເງິນ
   2. ກົດໃສ່ບັນຊີພາຍໃນທະນາຄານພາບລິກ
   3. ກົດໃສ່ໂອນຫາບັນຊີບຸກຄົນອື່ນ ຫຼື ໂອນຫາບັນຊີທີ່ໄດ້ລົງທະບຽນໄວ້
   4. ເລືອກໂອນຈາກບັນຊີ
   5. ໃສ່ໝາຍເລກບັນຊີຜູ້ຮັບ
   6. ໃສ່ຈຳນວນເງິນ (ໂດລາ/ກີບ/ບາດ) ແລະ ກົດຖັດໄປ
   7. ກົດໃສ່ປຸ່ມ “ຂໍ PAC ເລີຍ”
   8. ໃສ່ລະຫັດ PAC
   9. ກວດເບິ່ງຄວາມຖືກຕ້ອງແລ້ວກົດຢືນຢັນ

ການ​ຊຳ​ລະ

ຈ່າຍ​ຊຳ​ລະ​ບັດ​ໄດ້​ຢ່າງ​ງ່າຍ​ດາຍ ດ້ວຍ​ການ​ຟັງ​ຊັ່ນ​ການ​ຈ່າຍຊຳ​ລະ​ບັດ PB.

1. ຂ້ອຍ​ສາ​ມາດ​​ຈ່າຍຊຳ​ລະ​ບັດ​ດ້ວຍ​ຮູບ​ແບບ​ໃດ​ແດ່?
   • ຊຳ​ລະ​ຫາ​ບັດ​ຕົນ​ເອງ
   • ຊຳ​ລະ​ຫາ​ບັດ​ບຸກ​ຄົນ​ອື່ນ
   • ຊຳ​ລະ​ຫາ​ບັດ​ທີ່​ຊຳ​ລະ​ປະ​ຈຳ
   • ການ​ຈັດ​ການບັດ​ທີ່​ຊຳ​ລະ​ປະ​ຈຳ
2. ຂ້​ອຍ​ຈະ​ຈ່າຍ​ຊຳ​ລະ​ຫາ​​ບັດບຸກ​ຄົນ​ອື່ນ​ໄດ້​ແນວ​ໃດ?
   ກະລຸນາປະຕິບັດຕາມຂັ້ນຕອນດັ່ງລຸ່ມນີ້:
   1. ຄິກ​ໃສ່​ການ​ຊຳ​ລະ
   2. ຄິກ​ໃສ່ການ​ຊຳ​ລະ​ບັດ PB
   3. ຄິກ​ໃສ່ ​ຫາ​ບັດ​ບຸກ​ຄົນ​ອື່ນ ຫຼື ຫາບັດ​ທີ່ຊຳ​ລະ​ປະ​ຈຳ
   4. ເລືອກໂອນ​ຈາກ​ບັນ​ຊີ (LAK/USD/THB)
   5. ໃສ່​ເລກ​ບັດ
   6. ໃສ່​ຈຳ​ນວນ​ເງິນ​ກີບ ແລະ ຄິກ​ໃສ່​ປຸ່ມ​ຕໍ່​ໄປ
   7. ​ຄິກ​ໃສ່​ປຸ່ມ "ຂໍ PAC ເລີຍ"
   8. ໃສ່​ລະ​ຫັດ PAC
   9. ກວດເບິ່ງ​ຄວາມ​ຖືກ​ຕ້ອງ​ແລ້ວ ຄິກ​ໃສ່​ປຸ່ມ​ຢືນ​ຢັນ.

ການ​ປ່ຽ​ນ​ແປງ​ຂໍ້​ມູນໂປ​ຣ​ຟາຍ

ຈັດ​ການ​ຂໍ້​ມູນ​ບັນ​ຊີ​ ໃ​ຫ້​ເໝາະ​ສົມ​ກັບ​ຄວາມ​ຕ້ອງ​ການ​ຂອງ​ທ່ານ.

ແມ່ນ​ຫຍັງ​ແດ່​ທີ່ຂ້ອຍ​ສາ​ມາດ​ກຳ​ນົດ​ການ​ຕັ້ງ​ຄ່າ​ທີ່​ກ່ຽວ​ຂ້ອງ​ກັບໂປ​ຣ​ຟາຍ?

• ປ່ຽນ​ແປງ​ຂໍ້​ມູນ​ສ່ວນ​ຕົວ
• ປ່ຽນ​ເລ​ກ​ລະ​ຫັດ​ຜ່ານ
• ປ່ຽນ​ຂໍ້​ມູນ​ສ່ວນ​ຕົວ​ຜ່ານ​ເຂົ້າ​ລະ​ບົບ
• ​ປ່ຽນ​ວົງ​ເງິນ​ໃນ​ການ​ໂອນ​ຕໍ່​ວັນ