ພາບລວມ
ເພື່ອຄວາມສະດວກຂອງລູກຄ້າ ໝາຍເລກບັນຊີຂອງລູກຄ້າທີ່ມີຢູ່ແລ້ວ ລວມທັງ ບັນຊີເງິນຝາກກະແສລາຍວັນ, ບັນຊີເງິນຝາກມີກຳນົດ, ບັນຊີເງິນກູ້ ແລະ ບັນຊີອື່ນໆ. ຍັງສາມາດນຳໃຊ້ໄດ້ປົກກະຕິ ແລະ ບໍ່ມີການປ່ຽນແປງ.
ບັດ ATM ຂອງທະນາຄານພາບລິກ ທີ່ມີຢູ່ແລ້ວ ຍັງຄົງສາມາດສືບຕໍ່ນຳໃຊ້ໄດ້ ກັບຕູ້ ATM ຂອງເຮົາ ແລະ ລວມທັງທະນາຄານອື່ນ.
ການບໍລິການ e-Banking ແມ່ນບໍ່ມີການປ່ຽນແປງ ຍັງສືບຕໍ່ນຳໃຊ້ໄດ້ປົກກະຕິ ຜ່ານທາງເວັບໄຊ໌ທາງການຂອງທະນາຄານ: www2.publicbank.com/LAOS ແລະ ຂັ້ນຕອນຜ່ານເຂົ້າສູ່ລະບົບ ແມ່ນຍັງຄົງໄວ້ຢູ່ພາຍໃຕ້ ທະນາຄານພາບລິກ ລາວ.
ແຊັກທັງໝົດ ທີ່ອອກພາຍໃຕ້ຊື່ຂອງ ທະນາຄານພາບລິກ ແມ່ນຍັງຄົງສືບຕໍ່ນຳໃຊ້ໄດ້ ຈົນກວ່າຈະມີແຈ້ງການເພີ່ມຕື່ມພາຍຫຼັງ. ລູກຄ້າ ສາມາດນຳປຶ້ມແຊັກ ທີ່ອອກໃນນາມ ທະນາຄານພາບລິກ ເຫຼັ້ມທີ່ບໍ່ທັນໄດ້ນຳໃຊ້ ມາປ່ຽນປຶ້ມແເຊັກຫົວໃໝ່ ພາຍໃຕ້ຊື່ ທະນາຄານພາບລິກ ລາວ ໂດຍບໍ່ເສຍຄ່າທຳນຽມ ຈົນເຖີງວັນທີ 30 ມິຖຸນາ 2024.
* ອີງຕາມຂໍ້ກຳນົດ ແລະ ເງື່ອນໄຂ.
ບັນຊີເງິນຝາກມີກຳນົດ / ໃບຢັ້ງຢືນເງິນຝາກ ແລະ ປຶ້ມບັນຊີເງິນຝາກປະຢັດ ທີ່ມີນຳທາງທະນາຄານພາບລິກ ແມ່ນຍັງສາມາດສືບຕໍ່ນຳໃຊ້ພາຍໃຕ້ ທະນາຄານພາບລິກ ລາວ.
ສຳລັບການຕໍ່ອາຍຸບັນຊີ, ການອອກໃບຢັ້ງຢືນເງິນຝາກມີກຳນົດໃບໃໝ່ພາຍໃຕ້ ທະນາຄານພາບລິກ ລາວ ແມ່ນຈະອອກໃຫ້ເມື່ອລູກຄ້າໄດ້ນຳເອົາໃບຢັ້ງຢືນເງິນຝາກທີ່ຄົບກຳນົດແລ້ວ ມາປ່ຽນໂດຍອີງຕາມສາຂາທີ່ຖືບັນຊີ.
ລະຫັດ SWIFT ຂອງທະນາຄານແມ່ນບໍ່ມີການປ່ຽນແປງ ຍັງຄົງນຳໃຊ້ພາຍໃຕ້ ທະນາຄານພາບລິກ ລາວ. ມີພຽງຊື່ຂອງທະນາຄານເທົ່ານັ້ນທີ່ຈະປ່ຽນເປັນ ທະນາຄານພາບລິກ ລາວ ຈຳກັດ ເພື່ອໃຫ້ສອດຄ່ອງກັບໂສມໜ້າໃໝ່ຂອງພວກເຮົາ.
ດັ່ງນັ້ນ, ເງິນທີ່ໂອນເຂົ້າມາພາຍໃຕ້ຊື່ ທະນາຄານພາບລິກ ເບີຮາດ ໂດຍນຳໃຊ້ລະຫັດ SWIFT ແມ່ນຈະຍັງຄົງນຳໃຊ້ໄດ້.
ສິດ/ພັນທະ ທັງໝົດຂອງທະນາຄານພາບລິກ ແມ່ນຈະຖືກປະຕິບັດ ແລະ ໂອນຍ້າຍມາໃນນາມ ທະນາຄານພາບລິກ ລາວ ຈຳກັດ ພາຍໃຕ້ກົດໝາຍຄຸ້ມຄອງຂອງ ສປປ ລາວ ເມື່ອມີການປັບປຸງໂຄງສ້າງການເຄື່ອນໄຫວທຸລະກິດ. ສັນຍາສິນເຊື່ອ/ສັນຍາກູ້ຢືມເກົ່າ ທີ່ໄດ້ລົງນາມໄວ້ລະຫວ່າງ ທະນາຄານພາບລິກ ກັບລູກຄ້າສິນເຊື່ອ ຈະຍັງຄົງມີຜົນສັກສິດຄືເກົ່າ.
ດັ່ງນັ້ນ, ລູກຄ້າສິນເຊື່ອ ຈຶ່ງບໍ່ຈຳເປັນລົງນາມຄືນໃໝ່.
ລູກຄ້າບໍ່ຈຳເປັນຕ້ອງດຳເນີນການໃດໆ ເພື່ອສືບຕໍ່ການບໍລິການ ກັບທະນາຄານພາບລິກ ລາວ. ການປັບປຸງໂຄງສ້າງການເຄື່ອນໄຫວທຸລະກິດຈາກ ທະນາຄານພາບລິກ ເບີຮາດ ມາເປັນ ທະນາຄານພາບລິກ ລາວ ແມ່ນດຳເນີນໄປໂດຍບໍ່ມີຜົນກະທົບໃດໆຕໍ່ການບໍລິການ.
ທະນາຄານພາບລິກ ລາວ ຈຳກັດ ຈະແຈ້ງຂໍ້ມູນໃຫ້ຊາບ ໂດຍຜ່ານຫຼາຍຊ່ອງທາງ, ລວມທັງການປະກາດຢ່າງເປັນທາງການ ແລະ ຜ່ານທາງເວັບໄຊທ໌ ຂອງທະນາຄານ.
